註解：用來標記暫時停頓的記號
提起休止符就即刻諗起停頓，同疫情下嘅我哋一樣
店舖就最怕暫停營業，我哋就好怕停落嚟，慢半拍
點解？怕囉，怕比人哋慢，怕比人哋落後！
不過每個人都會有攰同心很累嘅時候，
幾時停落嚟，做生意就話無得揀，
不過，我哋有得揀！
「暫停」唔係個個人必然擁有嘅能力。對於習慣將生活時間表塞滿嘅人嚟講，暫停等於落後同浪費時間，諗起冇野做就覺得焦慮。對我嚟講，暫停同食飯一樣，都係生活入面嘅必須品，點忙都要暫停一下，等我可以精神上叉電。不過，容許自己暫停需要有勇氣同耐性，你準備好俾自己暫停未呀？
－助理計劃主任 @Marshall
香港人咩都「趕」，趕住返工、趕住返學、趕功課、趕車、趕Deadline、趕頭趕命，為嘅就係趕進度、為嘅就係「生活」，但「生活」模式從來都唔係得一種；不如停一停、諗一諗，你追趕緊嘅係唔係你想要嘅？定只係人趕你又趕？諗唔到都至少可以休息下，休息夠先可以撐落去，如果唔係到頭來只係「辛苦自己」。冇咩事嘅話我都趕住休息，放埋個假先。
－青年工作員 @Joyce
